Пойтахтда 27 ёшли йигит бўлажак келиннинг ишончини суиистеъмол қилиб, унинг уйини фирибгарлик йўли билан 240 минг долларга сотгани аниқланди.
Тошкент шаҳар ИИББ маълумотича, 1997 йилда туғилган Ш.Р. 2024 йил август ойида тўй олдидан “муаммоларим бор” деб баҳона қилиб, келиннинг уйини гаровга қўйган. Кейин эса ушбу уйни бошқа шахсга 240 000 АҚШ долларига сотиб, қочиб кетган.
Ҳодиса бўйича унга нисбатан Жиноят кодексининг 168-моддаси 4-қисми “а” банди билан жиноят иши қўзғатилган ва қамоққа олинган. Тергов жараёнида Ш.Р. бошқа шахсларга нисбатан ҳам бир нечта фирибгарлик ҳолатларини содир этгани маълум бўлган. Ҳозирда иш Мирзо Улуғбек туман судида кўриб чиқилмоқда.
