O`zbekiston MMA assosiasiyasi va triatlon federasiyasining qo`shma yig`ilishi 14 avgust, juma kuni bo`lib o`tdi, deb xabar bermoqda Milliy olimpiya qo`mitasi.
Avvalroq mazkur tashkilotlar rahbarligidan Otabek Umarovning ketganligi haqida xabar berilgandi.
Yig`ilishda uning o`rniga ikkala tashkilotga ham rahbarlar saylangan. Xabarga ko`ra, Viktor Mahmudov Triatlon federasiyasi rais bo`lgan. MMA assotiasiyasiga esa Bahodir Qurbonov rahbar bo`lgan.
Ma`lumot uchun, Viktor Mahmudov O`zbekiston Prezidenti huzuridagi Xavfsizlik kengashi kotibi lavozimida faoliyat yuritib kelmoqda. Bahodir Qurbonov esa Mudofaa vaziri hisoblanadi.