O`zbekiston Respublikasi va Rossiya Federasiyasi o`rtasidagi strategik sheriklik munosabatlarini mustahkamlash, gumanitar sohadagi ko`p yillik samarali hamkorlikni hamda akademik va ilmiy-ta`lim almashuvlar bo`yicha uzoq muddatli dasturlarni amalga oshirishni qo`llab-quvvatlashdagi shaxsiy hissasi, shuningdek, xalqaro munosabatlar va iqtisodiyot sohasida yuqori malakali mutaxassislarni tayyorlashdagi bevosita ishtiroki uchun mukofotlansin:
«Do`stlik» ordeni bilan
Torkunov Anatoliy Vasilevich - Rossiya Federasiyasi Tashqi ishlar vazirligining Moskva davlat xalqaro munosabatlar instituti rektori (Rossiya Federasiyasi)
O`zbekiston va Yaponiya o`rtasidagi strategik sheriklik munosabatlari rivojiga va ko`pqirrali hamkorlikni kengaytirishga qo`shgan katta hissasi, O`zbekiston Respublikasidagi iqtisodiy islohotlarni samarali amalga oshirishga qaratilgan muhim tashabbus va amaliy sa`y-harakatlari, Yaponiyaning etakchi kompaniya va tashkilotlari ishtirokida mamlakatimizdagi ustuvor ijtimoiy, infratuzilma va sarmoyaviy loyihalarni, qo`shma madaniy-gumanitar dasturlarni ro`yobga chiqarishga ko`rsatayotgan ulkan ko`magi uchun mukofotlansin:
«Do`stlik» ordeni bilan
Taro Aso - Yaponiya Bosh vaziri o`rinbosari, moliya vaziri, Yaponiya parlamentidagi O`zbekiston bilan Do`stlik ligasi raisi (Yaponiya)
O`zbekiston Respublikasi bilan har tomonlama sheriklik munosabatlarini rivojlantirishga doir muhim dastur va loyihalarni ro`yobga chiqarishdagi amaliy ko`magi, xalqlar o`rtasidagi o`zaro bir-birini anglash va qo`llab-quvvatlash tamoyillarini mustahkamlash, do`stlik va madaniy hamkorlik aloqalarini kengaytirish ishlariga qo`shgan munosib hissasi uchun mukofotlansin:
«Do`stlik» ordeni bilan
Ahmad Rajab Muhammad Ali Rizq - Qohira universitetining arxeologiya fakulteti professori (Misr Arab Respublikasi)
Mavlanov Shuxrat Qurvantaevich - «Rosagrokompleks» mas`uliyati cheklangan jamiyati bosh direktori (Rossiya Federasiyasi)
Mark Edvard Riz - Sharqshunos olim, o`zbek adabiyoti tarjimoni (AQSh)
Maxmudova Kamola Abdumalikovna - Evropa tiklanish va taraqqiyot banki katta bankiri
Muhammadzoda Huseyn Siddiq - Navoiyshunos olim va adib (Eron Islom Respublikasi)
Prakash Kejrival - «Indorama Corporation Pte. Ltd» kompaniyasi direktori (Singapur Respublikasi)
Elis Uells - «Exxon Mobil» kompaniyasining xalqaro hamkorlik bo`yicha katta maslahatchisi (AQSh)
O`zbekiston Respublikasida ilg`or xorijiy tajriba, ilm-fan va texnologiyalar asosida zamonaviy sog`liqni saqlash tizimini rivojlantirish bo`yicha faol sa`y-harakatlari, koronavirus pandemiyasiga qarshi samarali kurashni tashkil etishda ko`rsatgan amaliy yordami uchun mukofotlansin:
I darajali «Salomatlik» ordeni bilan
Lin Syuejun - Toshkent shahridagi «O`zbek-Xitoy an`anaviy tibbiyot markazi» boshqaruvi raisi, «Beizhong Yilin Pharm Tech (Beijing) Co., Ltd» prezidenti (Xitoy Xalq Respublikasi)
Filiz Erdog`an Marashlioglu - «Kanimed Saglik Cozumleri LTD» kompaniyasi boshqaruv kengashi raisi (Turkiya Respublikasi)
Soy Chje Uk - Koreya universitetining profilaktik tibbiyot kafedrasi professori, Koreya tibbiyot assosiasiyasi huzuridagi «COVID-19» koronavirusiga qarshi choralar ko`rish bo`yicha Shtab maslahatchisi (Koreya Respublikasi)
O`zbekiston Respublikasining barqaror taraqqiyotini ta`minlashga qaratilgan muhim tashabbuslarni ilgari surish va ularni amalga oshirish, ustuvor iqtisodiy loyihalar va gumanitar dasturlarni qo`llab-quvvatlash, mamlakatimizning xalqaro nufuzini oshirish, shuningdek, xorijiy davlatlar bilan do`stlik va o`zaro hamkorlikni mustahkamlashga qo`shgan hissasi uchun mukofotlansin:
«Kelajak bunyodkori» medali bilan
Asadullaev Husnulla Shuxratilla o`g`li - O`zbekiston yoshlari umumjahon assosiasiyasining Xitoy Xalq Respublikasidagi vakili
Babajanov Bunyodbek Ulug`bek o`g`li - O`zbekiston yoshlari umumjahon assosiasiyasining Rossiya Federasiyasidagi vakili
«Shuhrat» medali bilan
Arislanov Saidaxmad Saidaxrorovich - AQShdagi «ASO Systems» kompaniyasi rahbari
Bediev Kamoliddin Asomiddinovich - Berlin shahridagi Xerrman-Shuls nomidagi maktabning nemis tili fani o`qituvchisi, O`zbekiston yoshlari umumjahon assosiasiyasining Germaniya Federativ Respublikasidagi vakili
Zufarov Sherzod Sabirovich - Fransiyaning «Société Générale» banki xususiy sektorga sarmoya kiritish fondi vise-prezidenti
Ibragimov Bunyodbek Abdusharipovich - O`zbekiston va Nagoya do`stlik jamiyati muassisi va direktori
Ismailov Baxrom Baxtiyorovich - Moskva shahridagi «Saxovat» xayriya fondi direktori (Rossiya Federasiyasi)
O`zbekiston Respublikasining diplomatik vakolatxonalari va konsullik muassasalari rahbarlari O`zbekiston Respublikasi Prezidenti nomidan davlat mukofotlari tantanali vaziyatda topshirilishini hamda ommaviy axborot vositalarida keng yoritilishini ta`minlasin.
Mazkur Farmonning bajarilishini nazorat qilish O`zbekiston Respublikasi Bosh vaziri A.N.Aripov zimmasiga yuklansin.
O`zbekiston Respublikasi Prezidenti Sh.Mirziyoev
