Bugun Uchtepa tumanidagi 81-matematikaga faniga ixtisoslashtirilgan maktabga Qorako`l tajribasini ommalashtirish ko`zda tutilgan. Shu sabab Qorako`l Halqaro matematika maktabi direktori Temur Ro`ziev mazkur maktabga tashrif buyurib, o`z fikrlari va tajribasi bilan o`rtoqlashdi.
Uchrashuvga tumandagi boshqa maktab direktorlari va fan o`qituvchilari ham taklif etildi.
Tuman rahbariyatining fikriga ko`ra kelajakda mazkur ta`lim muassasasini Maktab -internatga aylantirish borasidagi loyihalar o`rganilmoqda.
Z. Haydarova, Uchtepa tumani 81-sonli matematika faniga
ixtisoslashtirilgan davlat umumtalim maktabi direktori:
-- Mehmonlar maktabimiz bilan tanishib chiqdilar, matematika faniga ixtisoslashtirilgan 5- sinfda dars jarayonini kuzatib, o`quvchilar bilan suhbatlashdilar.
Shundan so`ng 81- ixtisoslashtirilgan davlat umumtalim maktabi va Qorako`ldagi xalqaro matematika maktabi o`rtasida hamkorlik memorandumi imzolandi. Xususan, ular zamonaviy axborot texnologiyalaridan foydalangan holda aniq fanlar va chet tillarini chuqur o`qitish, o`quvchilarning ijodiy salohiyatini namoyon qilish, iqtidorini yuzaga chiqarish hamda ularni respublika va xalqaro fan olimpiadalariga qatnashishga tayyorlash xaqidagi fikrlarimizni qo`llab-quvvatladilar. Shuningdek mehmonlar ishtirokida o`quv dargohimizni maktab-internatga aylantirish to`g`risidagi loyihaning taqdimoti o`tkazildi.
Tashrif davomida Halqaro matematika maktabi direktori Temur Ro`ziev sektor rahbarlari ishtirokida uchtepalik O`zbekiston xalq yozuvchisi Xudoyberdi To`xtaboev xonadonida bo`lishib, ustoz holidan xabar olishdi.
