2016 yilning 12 yanvaridan boshlab Microsoft kompaniyasi Windows 8 operasion tizimini, jumladan xavfsizlik tizimini yangilashni o`z ichiga olgan qo`llab-quvvatlashni rasman to`xtatdi. Bu haqda “Review.uz” nashri xabar bermoqda.
Mazkur operasion tizim uch yil mobaynida bozorda atigi 2,8 foiz ulushga ega chiqa oldi. Shunga o`xshash holat 2007 yilda Microsoft Vista bilan ham kuzatilgan edi.
Windows 8 foydalanuvchilari esa 2013 yilda chiqarilgan Windows 8.1ga o`tishlari mumkin. Ushbu OS Windows 8`ning qayta ishlangan namunasi hisoblanadi. Mazkur operasion tizimning qo`llab-quvvatlanishi esa 2023 yilga boribgina to`xtatiladi.
Microsoft kompaniyasi joriy yilning yanvar oyidan boshlab, Internet Explorer internet brauzerining 8, 9 va 10 talqinlarini qo`llab-quvvatlashni ham to`xtatdi.
