Maktabgacha va maktab ta'limi vazirligi 2026–2027 o'quv yili uchun 1-sinfga qabul jarayoni, kerakli hujjatlar ro'yxati hamda maslahat olish tartibi bo'yicha ma'lumot berdi.
Vazirlikka ko'ra, 1-sinfga hujjatlarni onlayn qabul qilish jarayoni 20 iyun soat 10:00 dan boshlangan.
Ota-onalar va qonuniy vakillar bolalarini maktabga qabul qilish uchun hujjatlarni my.maktab.uz hamda my.gov.uz platformalari orqali topshirishlari mumkin.
Mikrohududlar doirasidagi arizalar 20 iyundan 31 iyulgacha qadar qabul qilinadi. 1 avgustdan 31 avgustgacha esa mikrohududdan tashqarida yashovchi bolalar uchun qabul jarayoni tashkil etiladi.
Kerakli hujjatlar:
-
086/u yoki 063-shakldagi tibbiy ma'lumotnoma
-
3×4 o'lchamli fotosurat
-
ota-ona va bolaning shaxsini tasdiqlovchi hujjat
Shuningdek, @mymaktabuz_bot orqali ham maslahat olish imkoni mavjud.
