Justin Bieber Coachella festivalida kutilgan bosh yulduz sifatida nostaljiya ruhidagi katta chiqishi bilan sahnaqa qaytdi.
32 yoshli qoʻshiqchi shanba oqshomidagi kontsertning katta qismini noutbuk oldida oʻtkazib, YouTube orqali oʻzining ilk hitlari — "Baby" va "Never Say Never" kabi qoʻshiqlarini ijro etdi. U bu orqali oʻzi mashhur boʻlgan platformani eslab oʻtdi.
Shuningdek, u 12 yoshida musiqa industriyasiga kirib kelgan davriga oid uy videolarini katta ekranda namoyish qilib, YouTube'dagi jonli izohlar bilan muloqot qilayotgandek koʻrindi.
Bu uning soʻnggi toʻrt yil ichidagi eng yirik jonli kontserti boʻldi. U avval sogʻlik bilan bogʻliq muammolar sababli "Justice" jahon gastrolini bekor qilgan edi.
Kontsertni u boʻsh sahnaada yolgʻiz boshladi va 2025 yilgi "Swag" hamda "Swag II" albomlaridan treklarni ijro etdi. Keyin esa tomoshabinlarni "sayohatga olib chiqishini" aytib, oʻz arxivida qaytdi.
U tomoshabinlarga bir necha bor: "Qancha orqaga qaytamiz?" degan savolni berdi.
Shuningdek, u soʻnggi paytlarda virusga aylangan, uning ruhiy holati haqida muhokamalarga sabab boʻlgan videoni ham namoyish qildi. Unda u fotograffa qarab: "Bu sizga soat emas, men ishdamman," deb javob bergani aks etgan.
Tomoshabinlar orasida uning rafiqasi Hayli Bieber hamda Timoti Shalame va Kayli Jenner kabi mashhurlar ham koʻrindi.
