Prezident jurnalist va blogerlar faoliyati haqida:
«Ular o`zimizga munosib masalalarni yoritishda qo`rqmasligi kerak»
Shavkat Mirziyoev sog`liqni saqlash masalalariga bag`ishlab o`tkazilayotgan yig`ilishda jurnalist va blogerlar faoliyati haqida ham gapirdi:
«Men tizimdagi muammolarni ko`tarib chiqayotgan, yoritib berayotgan jurnalist va blogerlardan xursandman. Aynan ular ko`plab muammo va qilinayotgan ishlarni yoritib berishmoqda.
Albatta, bu masalalar oddiy tilda aytganda evi, tasdig`i bilan bo`lishi kerak. Ular odatda ko`p masalalarni o`zi o`qigan, ya`ni rivojlangan davlatlar bilan solishtirishadi. Lekin ular shuni ham tushunishlari kerakki, bizda ochiqlik siyosatiga endi 3 yil bo`ldi. Jurnalist va blogerlar solishtirayotgan davlatlarning erkinligiga esa 300 yil bo`lgan.
Biz, albatta, shu davrlarga ham etamiz. Ular o`zimizga munosib masalalarni yoritishda qo`rqmasligi kerak».