2020 yilning 11 noyabr kuni O`zbekiston Respublikasi Tashqi ishlar vaziri Abdulaziz Kamilovning Afg`oniston Islom Respublikasi Oliy milliy yarashuv kengashi raisi Abdulla Abdulla bilan uchrashuvi bo`lib o`tdi.
Tashqi ishlar vazirligi axborot xizmatining xabar berishicha, Suhbat chog`ida turli sohalardagi ko`p qirrali O`zbekiston-Afg`oniston munosabatlari holati va ularni yanada faollashtirish istiqbollari muhokama qilindi.
Afg`onistonda mustahkam tinchlik o`rnatish hamda mintaqaviy xavfsizlikni ta`minlashning muhim jihatlari yuzasidan fikr almashildi.
Transport, logistika, energetika, savdo va ta`lim sohalarida investisiya va infratuzilma loyihalarini birgalikda amalga oshirish orqali ikki mamlakat o`rtasidagi savdo-iqtisodiy hamkorlikni chuqurlashtirish masalalariga alohida e`tibor qaratildi.
Afg`onistonda tez orada tinchlik va barqarorlikka erishish uchun mazkur mamlakatni Markaziy Osiyodagi integrasiya jarayonlariga jalb qilishni jadallashtirishning muhimligi qayd etildi.
Muzokaralarda ikki tomon kun tartibining o`zaro manfaatli boshqa masalalari ham ko`rib chiqildi.
