AQShning «Politico» nashri yilning «asosiy bezorilari» reytingini tuzdi. Uning birinchi o`rnida tadbirkor va Telegram asoschisi Pavel Durov qayd etilgan.
Material mualliflari Telegram asoschisi Durovning messenjerini «36 yoshli sirli yaratuvchisi g`oyalarini aks ettiruvchi so`z erkinligining jannati» deb atagan. Shuningdek, Telegram’ga azaldan Evropa hukumatlari tomonidan terror fitnalari va tashviqot vositasi sifatida qaralganini ta`kidlagan.
«Facebook va Twitter kabi platformalar dezinformasiya va zo`ravonlikka qarshi kurashar ekan, Telegram ushbu materiallarning aksariyati uchun jannatga aylangan», — deya xulosa qilgan jurnalistlar.
Ro`yxatga Durovdan tashqari boshqa taniqli shaxslar ham kiritilgan. Jumladan, Rossiya prezidenti Vladimir Putin, Belarus oppozisiyasi etakchisi Svetlana Tixanovskaya, amerikalik jurnalistlar hamda ingliz yozuvchisi J.K.Roulinglar ham ro`yxatdan joy olgan.
