Markaziy Saylov komissiyasi raisi o`rinbosari lavozimida faoliyat yuritib kelgan Maxmud Shuxratovich Istamov Buxoro viloyatining prokurori etib tayinlandi. Bu haqda Markaziy saylov komissiyasi axborot xizmati xabar berdi.
Mahmud Istamov 1979 yilda tug`ilgan, Toshkent davlat yuridik institutini tamomlagan, mutaxassisligi – huquqshunos. Mehnat faoliyatini 2000 yilda Adliya vazirligida katta maslahatchisi lavozimida boshlab, bir qator mas`ul lavozimlarda, 2006-2014 yillarda O`zbekiston prezidenti devoni inspektori, etakchi inspektori, 2014-2019 yillarda O`zbekiston prezidenti devoni Oliy Majlis, siyosiy va jamoat tashkilotlari bilan hamkorlik qilish xizmati Siyosiy partiyalar bilan hamkorlik qilish shu`basi mudiri, Siyosiy-huquqiy masalalar xizmati Sud-huquq sohasidagi qonunchilik shu`basi mudiri, O`zbekiston adliya vazirining o`rinbosari, birinchi o`rinbosari lavozimlarida faoliyat olib borgan.
