Prezident Shavkat Mirziyoev bugun Toshkent shahridagi Islom Karimov haykali poyiga gulchambar qo`yib, Birinchi Prezidentimiz xotirasiga hurmat ko`rsatdi. Bu haqda Prezident Matbuot xizmati xabar qilmoqda.
30 yanvar - O`zbekistonning Birinchi Prezidenti Islom Karimov tavallud topgan kun. Har yili bu sanani nishonlash, marhumni xotirlash ezgu an`anaga aylangan.
Qur`on oyatlari tilovat qilindi. Islom Karimovning ezgu ishlari, olijanob insoniy fazilatlari yodga olindi.
Marosimda Prezident Administrasiyasi, parlament palatalari va hukumat a`zolari, ilm-fan va madaniyat namoyandalari, ziyolilar, poytaxt jamoatchiligi ishtirok etdi.
Birinchi Prezidentimizning Samarqand va Qarshi shaharlaridagi haykallari poyiga ham gullar qo`yildi.
