AOKAdagi brifingda Koronavirusga qarshi kurash shtabi a`zosi Nurmat Otabekov koronavirusning O`zbekistonga kirib kelgan yangi shtammi to`g`risidagi savollarga javob berdi:
“Innovasion rivojlanish vazirligi huzuridagi Ilg`or texnologiyalar markazi tomonidan “Britancha” shtammni genetik aniqlash jarayoniga taxminan 5 kun vaqt sarflandi. Bu jarayon ancha murakkab hisoblanib, har bir bosqichini alohida nazorat qilish talab etiladi.
Shu kungacha markaz tomonidan “Britancha” shtamm mavjudligi ehtimoli bo`lgan COVID-19 virusi aniqlangan 33 nafar bemorning burun bo`shlig`idan olingan surtmalar tekshirildi.
Birinchi bosqichda — barcha taqdim etilgan namunalarning koronavirus RNKsi DNK shaklga o`tkazildi. Sababi, virus RNK shaklda bo`lib, u bilan ishlash uchun uni avval DNK shaklga o`tkazish talab etiladi.
Ikkinchi bosqich Real Taym PSR reaksiyasi yordamida “Britancha” shtammning marker mutasiyasi skriningi o`tkazildi. Bu usul ham markaz olimlari tomonidan ishlab chiqilgan bo`lib, ilk bor real bemorlar tahlilida qo`llanildi.
Bu usulni optimallashtirishga to`g`ri kelgan bo`lib, bir qator takror tajribalar o`tkazish orqali, xatoga yo`l qo`ymaslik uchun zamin yaratilgan. Aynan mana shu bosqichda biz shubhali namunani aniqladik, ammo mazkur namunada “Britancha” shtammga xos bo`lgan qator boshqa mutasiyalar ham mavjud ekaniga ishonch hosil qilish kerak edi.
So`ngra namunani sekvenlashga (genlarning DNK ketma-ketligini aniqlashga) tayyorlandi. Buning uchun koronavirus genomi uchastkalari sun`iy sharoitda ko`paytirilib, tozalanadi. Bu eng qiyin jarayon hisoblanib, bir qator reaksiyalar qo`lda amalga oshirilishiga to`g`ri kelgan. Keyin esa DNKning qayta ishlangan va tayyorlangan bo`laklari apparatga — sekvenatorga joylanib, bevosita genetik tahlili qilingan.
Uchinchi bosqich — so`nggisi hisoblanib, unda olingan natijalar kompyuterda qayta ishlandi, xalqaro ma`lumotlar bazasidagi genetik ketma-ketliklar bilan solishtirildi. “Britancha” shtammga xos qator mutasiyalar mavjudligi tasdiqlanganidan keyingina ma`lumotlar Sog`liqni saqlash vazirligiga taqdim etildi”.
08.01.2022, 11:48
Dunyo bo`ylab koronavirusning “omikron” shtammi tez sur`atda tarqalmoqda. Jahon sog`liqni saqlash tashkiloti ma`lumotlariga ko`ra, yangi mutasiya allaqachon jahonning 126 ta mamlakatida qayd etilgan. Ayniqsa, kuni...06.08.2021, 17:57
AOKAda bo`lib o`tgan brifingda Koronavirusga qarshi kurashish shtabi a`zosi Nurmat Otabekov COVID-10ga qarshi vaksinalar va emlash jarayonlari to`g`risidagi savollarga javob berdi.“Moderna”ni vaksinasini O`zbekistonda ishlab chiqarish...27.07.2021, 19:36
Sog`liqni saqlash vazirligi huzuridagi Koronavirusga qarshi kurashish shtabining navbatdagi brifingi bo`lib o`tdi. Unda Sanitariya-epidemiologik osoyishtalik va jamoat salomatligi xizmati boshlig`i o`rinbosari Nurmat Otabekov qo`l mushagidan...30.06.2021, 18:55
Shu kunlarda ijtimoiy tarmoqlarda mamlakatimizga olib kelinayotgan koronavirusga qarshi vaksinalar inson organizmi uchun zararli ekani, ayniqsa, Xitoyda ishlab chiqarilgan vaksina juda xavfliligi to`g`risida turli asossiz...