Prezident Shavkat Mirziyoev Rishton tumanidagi Xalqaro kulolchilik markazini ko`zdan kechirgandan so`ng, bir qator vazirlik va idoralar mas`ullari Farg`ona viloyati aholisining turmush sharoitini yaxshilashga qaratilgan "mahallabay" ishlash tizimi bo`yicha Prezidentga taqdimot qilishdi.
"Kerak bo`lsa, "mahallabay" emas, uyma-uy yurib "xonadonbay" odamlarning muammolarini o`rganish, ularning hayotini yaxshilashga kamarbasta bo`lishingiz kerak", - dedi Prezident.
Shuningdek, har 10 gektardan yoshlarga ajratilayotgan 1 gektar er uchun yoshlardan soliq olmaslikni qat`iy tayinlab, Davlat Soliq qo`mitasi raisi Sherzod Kudbievga:
"Er berilgan yoshlardan soliq olmaysan. Buni hamma soliqchilaringga ayt. Tag`in yoshlarni soliqqa tortib, shuncha harakatni yo`qqa chiqarishmasin. Yoshlar o`g`it va suv uchun ham xarajat qilmaydi", - dedi Prezident.