Bu haqda "O`zbekkino" Milliy agentligi Axborot xizmati xabar berdi.
"Salom", "Next", "Parus", "Riviera" kinoteatrlari egasi, "O`zbekkino" Milliy agentligi Jamoatchilik kengashi a`zosi Farrux Tulaganov NATO (The National Association of Theatre Owners)ning o`zbekistonlik a`zosiga aylandi. Yuqorida nomlari sanalgan kinoteatrlar esa O`zbekiston nomidan ushbu tashkilot a`zoligiga qabul qilindi.
Ma`lumot uchun: NATO – AQShning savdo tashkiloti bo`lib, uning a`zolari kinoteatrlar egalaridir. Eng yirik dunyo kinoteatrlari tarmoqlarining aksariyat operatorlari, shuningdek yuzlab mustaqil teatr operatorlari kompaniyaning a`zolari hisoblanadi. Bugungi kunga kelib assosiasiya AQShning 50 shtatidan 35 000 kinoteatr, dunyoning boshqa mamlakatlaridan esa 33 000 dan ortiq kinoekranlarni qamrab olgan.