Bu haqda AOKAda bo`lib o`tgan brifingda Bosh prokuratura matbuot kotibi Hayot Shamsuddinov ma`lum qildi.
"Saxovat va ko`mak” umumxalq harakati doirasida prokurorlar sektoridagi ehtiyojmand oilalarga oziq–ovqat va dori darmon berilishi ta`minlandi, 3 mingdan ortiq oilaga ixcham issiqxona qurilishida yordam ko`rsatildi;
️Shuningdek, 150 mingdan ziyod ishsiz fuqaroning bandligi ta`minlandi;
Og`ir ijtimoiy vaziyatga tushib qolgan 504 nafar ayolga arzon uy-joy ajratilishida amaliy yordam berildi;
“Yoshlar – kelajagimiz” dasturi doirasida 8 ming 618 nafar yosh tadbirkorga 1,8 trln. so`m kredit ajratilishida amaliy yordam ko`rsatilib, 42 mingdan ziyod yangi ish o`rni yaratildi;
“Mehribonlik uylari” va “Bolalar shaharchasi” muassasalarining 216 nafar bitiruvchisi uy-joy bilan ta`minlandi;
Rivojlanishda nuqsoni bo`lgan 109 mingdan ziyod bolalar tibbiy ko`rikdan o`tkazildi, 4 ming 397 nafariga dori -darmon, tibbiyot jihozlari va o`quv qurollari berildi;
4 ming 397 nafar tadbirkorga kredit, 965 nafariga er maydoni, 249 nafariga bino ajratilishida, 3 ming 675 nafariga kommunikasiya tarmoqlariga ulanishida hamda 2 ming 729 nafariga lisenziya va ruxsatnomalar berilishida amaliy ko`mak berildi.
Ko`rsatilgan yordam natijasida 14 ming 407 ta yangi tadbirkorlik sub`ekti tashkil etildi. 19 ming 357 ta korxonaning faoliyati tiklanishi hamda 50 mingdan ortiq yangi ish o`rni yaratilishi ta`minlandi.
2020 yilda jami 151 ming 266 nafar fuqaroning buzilgan huquqi tiklandi;
34 ming 482 ta qonunga zid huquqiy hujjatlar qonunga muvofiqlashtirildi, aniqlangan qonun buzilishlarini bartaraf etish yuzasidan 18 ming 988 ta taqdimnoma kiritildi, sudlarga 305 mlrd. so`m zararni undirish haqida 9 ming 779 ta ariza berildi. Prokuror tekshirishlari va dastlabki tergov davomida jami 736 mlrd. so`m zarar undirilishi ta`minlandi.
