BMTning Giyohvand moddalar va jinoyatchilikka qarshi kurashish boshqarmasi mintaqaviy vakolatxonasi rahbari Ashita Mittal xonim o`zbekistonlik 10 nafar ayol sudyalar bilan bir piyola choy ustida miriqib suhbatlashish niyatida. U ayni istagini Sudyalar oliy kengashi raisi Xolmo`min Yodgorov bilan uchrashuv jarayonida bildirdi.
Gap shundaki, bugun Mital xonim Sudyalar oliy kengashiga tashrif buyurdi. Kengash matbuot xizmatining ma`lum qilishicha, uchrashuvda mamlakatimizda amalga oshirilayotgan sud-huquq islohotlari, xususan, sudyalarning chinakam mustaqilligini ta`minlash, tizimda korrupsiyaning oldini olish borasida ko`rilayotgan chora-tadbirlar haqida atrofilicha ma`lumot berildi.
Mehmonda Sudyalar oliy kengashida huzurida tashkil etilgan Sudyalar klubi, ayniqsa uning onlayn platformasida muhokama etilayotgan mavzular katta qiziqish uyg`otdi. O`z navbatida Mittal xonim kengash faoliyati, xususan, sudyalik lavozimiga tayinlash ochiqlik va shaffoflik tamoyillari asosida amalga oshirilayotganini mamnuniyat bilan e`tirof etdi hamda BMT tizimidagi axborot resurslari orqali namunali amaliyot tariqasida “keys-stadi” ko`rinishida namoyish qilinishi qo`llab-quvvatladi. Shuningdek, O`zbekiston Prezidenti g`oyasi asosida tashkil etilgan mazkur klub faoliyatini o`ta ijobiy yangilik sifatida (“best practise”) har ikki yilda Venada bo`lib o`tadigan jinoyatchilikka qarshi kurashish bo`yicha xalqaro kongeressda taqdim etishni ham ilgari surdi.
Uchrashuvda BMTning qayd etilgan boshqarmasi mintaqaviy vakolatxonasining odam savdosi va noqonuniy migrasiya masalalasi bo`yicha maslahatchisi lavozimiga yaqinda tayinlangan Reda Sirgediene ham tanishtirildi. Sirgediene xonim O`zbekistonda ish boshlaganidan mamnun ekanini qayd etish asnosida Sudyalar oliy kengashi huzuridagi Sudyalar oliy maktabi dasturlariga BMTning o`quv modellarini kiritish taklifni o`rtaga tashaladi.
Yakunda mehmon xonimlar tizimdagi tender tengligi masalasi bilan qiziqdilar. Ayni paytda sud tizimida 123 nafar sudya ayollar faoliyat ko`rsatayotgani, ular orasida rahbarlik lavozimida ishlayotgan kam emasligidan voqif bo`lishgach, hayratlarini yashirib o`tirmadi. Aksincha, Mittal xonim xalqaro xotin-qizlar bayrami arafasida o`zbekistonlik 10 nafar ayol sudyalar bilan bir piyola choy ustida miriqib suhbatlashish istagi tug`ilganini bildirdi. Bunga javoban bunday istak amalga oshishida muammo yo`qligi aytildi, deyiladi Sudyalar oliy kengashi matbuot xizmati xabarida.
