Bugun poytaxtda shamol kutilmoqda. Shamol tezligi 12-17 m/s gacha etishi mumkin. Shamol daraxtlar va shoxlarni sindirishi, mustahkam o`rnatilmagan konstruksiyalarni o`rnidan qo`zg`atishi mumkin. Shu munosabat bilan hokimlik aholini ogohlantirmoqda:
"Barcha toshkentliklar va poytaxtimiz mehmonlaridan kuchli shamol kuzatilganida ko`chada harakatlanmasliklarini, avtomobillarini daraxtlar va boshqa turli mustahkam bo`lmagan konstruksiyalardan uzoqroq, xavfsiz joyga qo`yishlarini so`raymiz.
O`zingiz va mulkingizni baxtsiz hodisalardan asrang",- deyiladi hokimlik xabarida.
