Shved olimlari Sibirda olib borgan tadqiqotlari davomida dunyodagi eng qadimiy DNKni topdi. Uchta mamont tishida topilgan DNK tarixi 1,2 million yilni tashkil etmoqda, deya xabar bermoqda «Dunyo» AA .
Sibir muzliklaridan topilgan mamont tishlari olimlarni hayratga soldi. Eng qadimgi DNK deya e`tirof etilmoqda.
Mazkur ilmiy tadqiqot dunyoning eng nufuzli ilmiy jurnallaridan biri "Nature"da e`lon qilindi.
Shimoliy Amerika jonzotlari sifatida tanilgan mamontlar ajdodi deb taxmin qilingan bu turga mansub DNK muzlagan tuproq tufayli tirik qolgani aytilmoqda. Hozirgacha 560 000 dan 780 000 yoshgacha bo`lgan DNK eng qadimgi topilma sifatida qabul qilingan.
Olimlar, shuningdek, tadqiqotlarda topilgan tishlarning ikki xil mamontga oidligini aytmoqda.
