Avval xabar qilganimizdek, Bosh prokuratura tomonidan tegishli vazirlik va idoralar bilan birgalikda O`zbekiston Respublikasi Jinoyat kodeksining yangi tahrirdagi loyihasi ishlab chiqildi. Ushbu loyiha fuqarolarning takliflari asosida yanada takomillashtirish maqsadida jamoatchilik muhokamasiga joylashtirildi.
Yangi tahrirdagi Jinoyat kodeksi loyihasiga ko`ra, ayrim turdagi jinoyatlar dekriminalizasiya qilinmoqda, ya`ni jinoyat qonunchiligidan chiqarilmoqda:
- raqobatchini obro`sizlantirish;
- raqobat to`g`risidagi qonun hujjatlarini va tabiiy monopoliyalar to`g`risidagi qonun hujjatlarini buzish;
- savdo yoki xizmat ko`rsatish qoidalarini buzish;
- soxta tadbirkorlik;
- jazoni ijro etish muassasasi ma`muriyatining qonuniy talablariga bo`ysunmaslik;
- diniy mazmundagi materiallarni qonunga xilof ravishda tayyorlash, saqlash, olib kirish yoki tarqatish;
- harbiy yoki muqobil xizmatdan bo`yin tovlash;
- diniy ta`limotdan saboq berish tartibini buzish.
Quyidagilar uchun jinoiy javobgarlik o`rnatilmoqda:
- insonda noqonuniy tajriba o`tkazish;
- g`ayriqonuniy ravishda psixiatriya muassasasiga joylashtirish;
- o`zboshimchalik bilan jazolash;
- mitinglar, yig`ilishlar yoki namoyishlar tashkil etish, o`tkazishga yoki ularda ishtirok etishga g`ayriqonuniy qarshilik qilish;
- shantaj;
- insayderlik ma`lumotlari bo`yicha g`ayriqonuniy harakatlarni amalga oshirish;
- nodavlat tijorat tashkiloti yoki boshqa nodavlat tashkiloti mansabdor shaxsining mansab soxtakorligi;
- ota yoki onaning o`z chaqalog`ini sotishi;
- jurnalistning qonuniy faoliyatiga to`sqinlik qilish.
Mavzuga doir:
O`zbekistonda noqonuniy boyiganlik uchun jinoiy javobgarlik belgilanmoqda
