Jahon sog`liqni saqlash tashkiloti Evropa mintaqaviy byurosi rahbari Xans Klyuge Daniyaning «DR» telekanaliga bergan intervyusida koronavirus pandemiyasi 2022 yil boshida tugashi haqida aytib o`tdi.
«Eng yomon ssenariy ortda qoldi. Chunki biz pandemiya boshlanishiga qaraganda hozir virus haqida ko`proq ma`lumotga egamiz», — dedi X. Klyuge.
Xans Klyugening so`zlariga ko`ra, virus tarqalishda davom etadi, ammo cheklovlarga ehtiyoj qolmaydi. Shu bilan birga, uning ta`kidlashicha, bu sodir bo`lishi mumkin bo`lgan ssenariy, ammo hali hammasi oldinda.
