Hukumat qarori bilan Professional ta`lim muassasalarining boshqaruv hamda pedagog kadrlarini qayta tayyorlash va malakasini oshirish jarayonini tashkil etish tartibi to`g`risidagi nizom tasdiqlandi. Bu haqda Huquqiy axborot kanali xabar berdi.
Unga ko`ra, barcha professional ta`lim muassasalarining boshqaruv va pedagog kadrlari “Hayot davomida ta`lim olish” tamoyili asosida uzluksiz malakasini oshiradi.
Qayta tayyorlash va malaka oshirish o`quv rejasiga muvofiq, Oliy va o`rta maxsus ta`lim vazirligi huzuridagi malaka oshirish instituti hamda uning hududiy fakultetlaridagi amaliyot tegishli tashkilotlarda o`tkazilishi mumkin.
Malaka oshirish quyidagi shakllarni o`z ichiga oladi:
- mustaqil malaka oshirish;
- muqobil malaka oshirish;
- Institut yoki fakultetlarda bevosita o`qish.
