“Yuksalish” umummilliy harakati mutaxassislari Ijtimoiy va iqtisodiy tashabbuslar instituti ekspertlari bilan hamkorlikda davlat tuzilmalari, muassasalari hamda yirik jamoat tashkilotlarida faoliyat yuritayotgan ayollarning ro`yxati yangilandi.
O`rganish natijalari mamlakatda tuzilmaviy va institusional o`zgarishlar davom ettirilayotganini, qonunchilik takomillashtirilayotganini hamda ayollarning roli va mavqei, ularning siyosiy-ijtimoiy hayotda faolligi ortayotganligini ko`rsatadi.
Ro`yxatni tuzishda ayollarning fuqarolik jamiyatidagi imidji, ular ishlayotgan tashkilotlarning siyosiy kun tartibini shakllantirishi, sohalarni rivojlantirishi hamda ijtimoiy-iqtisodiy o`zgarishlarni amalga oshirishga institusional ta`sir darajasi inobatga olindi.
