Nafosat bayrami 8 mart arafasida DXX idoralarining ayol harbiy xizmatchilari o`rtasida an`ana tusini olgan «To`maris avlodlari» tanlovining yakuniy bosqichi o`tkazilib, unda ishtirokchilar «Dolzarb mavzu», «Saf tayyorgarligi», «Sharq durdonasi» «Oila qo`rg`oni bekasi» kabi shartlar bo`yicha o`zaro bahslashdi. Bu haqda DXX matbuot xizmati xabar bermoqda.
Tanlovda iste`dodli, zukko, saf tayyorgarligi yuqori harbiy xizmatchilar ichidan eng munosiblari g`oliblikni qo`lga kiritdi.
G`oliblar maxsus diplom va qimmatbaho sovg`alar bilan taqdirlandi.
