NASA rasmiy saytida joylashtirilgan xabarga ko`ra, 21 mart kuni Moskva vaqti bilan soat 19:03da 2001 FO32 asteroidi Erga maksimal masofaga yaqinlashadi. U taxminan ikki million kilometr uzoqlikda uchib o`tadi va 2021 yilda sayyoraga yaqinlashgan eng katta asteroid bo`ladi.
2001 yil mart oyida kashf etilgan, Apollon guruhiga kiruvchi 2001 FO32 asteroidning diametri 914 metrni tashkil qiladi. Erga yaqinlashganda u yuqori tezlikda harakatlanadi – soatiga taxminan 124 ming kilometr. Bu boshqa asteroidlarning ko`pchiligiga qaraganda tezroq.
Asteroid «potensial xavfli» deb tasniflanganiga qaramay, uning Er bilan to`qnashuvi xavfi yo`q. Unga eng yaqin masofa Erdan Oygacha bo`lgan masofaning taxminan 5,25 baravariga teng bo`ladi.
Olimlarning taxminlariga ko`ra, 2001 FO32 bu yilda sayyoraga yaqin uchadigan eng katta asteroid bo`ladi. So`nggi katta asteroid 1998 OR2 2020 yil 29 aprelda Erga yaqin uchib o`tgan. 2001 FO32 1998 yil OR2 dan biroz kichikroq, ammo u Erga uch baravar yaqinroq bo`ladi.
Er yaqinidan o`chib o`tish vaqtida astronomlar asteroid o`lchamlari haqida aniqroq ma`lumotga ega bo`lishga umid qilmoqda. Shuningdek, Gavayi Mauna Kea vulqonining yuqori qismida joylashgan IRTF NASA infraqizil teleskopi yordamida aniqlashga harakat qilishadi.
