Bir qator Evropa mamlakatlarida koronavirus infeksiyasining uchinchi to`lqini kuzatilmoqda. Xususan, Avstriya sog`liqni saqlash vaziri Rudolf Anshober yangi to`lqin boshlanganini e`lon qildi, Fransiya, Germaniya va Italiyada ham vaziyat yomonlashmoqda.
The Guardian nashrining yozishicha, Evropada koronavirus holatining kunlik ko`payishi fevral oyidan beri rekord darajaga etgan, bu esa cheklovlar, komendantlik soati va hattoki ba`zi mamlakatlarda qattiq karantinning qayta tiklanishi olib keldi.
Dushanbadan beri Italiyada koronavirusning uchinchi to`lqinidan saqlanish uchun qat`iy karantin qoidalari o`rnatildi. Endi kasalxonalar yangi infeksiya oqimiga dosh berolmaydi.
O`nta hududda maktablar va do`konlar yopilgan. Restoranlar faqat etkazib berish uchun ishlayapti.
Fransiyada, sog`liqni saqlash vazirining so`zlariga ko`ra, har 12 daqiqada bir nafar parijlik reanimasiya bo`limiga tushmoqda. Polsha, Vengriya va Chexiyada ham kunlik rekord ko`rsatkichlar qayd etildi.
Germaniyada mehmonxonalar noyabr oyidan beri sayyohlarni qabul qilmayapti, ammo Ispaniyaning Balear orollaridan qaytib kelganlar uchun majburiy karantin bekor qilindi.
