“O`zbekkino” MA buyurtmasiga binoan “Fox music cinema” studiyasi tomonidan suratga olingan rejissyor Yolqin To`ychievning "Faridaning ikki ming qo`shig`i" filmi VI Xalqaro Osiyo kinofestivali (Asian world film festival)da "The snow leopard award" mukofotiga sazovor bo`ldi. Bu haqida “O`zbekkino” Milliy agentligi Axborot xizmatixabar bermoqda.
2014 yildan buyon Los-Andjelesda o`tkazib kelinayotgan ushbu xalqaro kinofestivalda Osiyo mintaqasining 50 mamlakatidan turli janrdagi filmlar saralab olinadi.
Mazkur kinofestival Osiyo va Gollivud kino sanoati o`rtasidagi aloqalarni mustahkamlashga xizmat qiladi.
