Kecha, 28 mart kuni soat 21:30larda, Samarqand viloyati, Samarqand shaxar, M.S.Baraka ko`chasida haydovchi, 1995 yilda tug`ilgan N.F. “Neksiya” rusumli avtomobilni boshqarayotgan vaqtda, ta`mirlash ishlari olib borilayotgan joyda mavjud bo`lgan chuqurlikka avtomobilning old tomoni tushib ketgan. Bu haqda IIV YHXBB xabar bermoqda. Hodisa natijasida tan jarohati olgan fuqarolar yo`q. Avtomobilga texnik zarar etgan.
Mazkur holat yuzasidan Samarqand shahar IIO FMB YHXB tomonidan surishtiruv harakatlari olib borilmoqda.
