Ijtimoiy tarmoqda "DAN xodimlari meni va akamni mashinaga tiqishmoqchi bo`lishdi" sarlavhasi ostida tarqalgan video lavha yuzasidan ma`lumot berildi. O`zbekiston Respublikasi IIV YHXBB Axborot xizmati ma`lumotlarni e`lon qildi.
24 mart kuni soat 10:25larda, Qashqadaryo viloyati, Qamashi tumani, Gulshaniy ko`chasida xizmat olib borgan YPX xodimi X.Eshniyozov tomonidan "Vaz-2106" rusumli avtomobil haydovchisi S.B.ga nisbatan to`xtash qoidalarini buzganligi yuzasidan ma`muriy bayonnoma rasmiylashtirilgan.
Haydovchi bilan o`zaro muloqot vaqtida o`zini haydovchining ukasi deb tanishtirgan fuqaro holatga aralashgan. Holat video tasvirga olinib ijtimoiy tarmoqda tarqatilgan.
Hozirda mazkur holatga oydinlik kiritish maqsadida Qamashi tumani IIB tomonidan surishtiruv harakatlari olib borilmoqda.
