Respublikamiz hududiga tovar va transport vositalarini hujjatlarda ko`rsatilmagan holda olib kirishga qarshi bo`lgan urinishlarga o`z vaqtida chek qo`yilmoqda, deya xabar berdi Davlat bojxona qo`mitasi Axborot xizmati.
Xususan, Toshkent shahar bojxona boshqarmasi “Chuqursoy texnik idora” temir yo`l chegara bojxona posti xodimlari tomonidan xorijdan keltirilgan hujjatlarga ko`ra, “Zamonaviy issiqxona qurish uchun uskunalar” deya ko`rsatilgan yuk konteyneri bojxona ko`rigidan o`tkazilganda, yo`l yuk-kuzatuv xujjatlarida ko`rsatilmagan qiymati 120 mln.so`mlik 1 dona elektromobil borligi aniqlandi.
Hozirda mazkur holat yuzasidan surishtiruv harakatlari olib borilmoqda.
