Surxondaryo viloyati Termiz shahrida bo`lib o`tayotgan kurash bo`yicha O`zbekiston Respublikasi Prezidenti sovrini uchun Al-Hakim At-Termiziy xotirasiga bag`ishlangan XV xalqaro turnirda kecha erkaklar o`rtasida 81, 90 kg., ayollar o`rtasida 48, 57, 63, 70 kg. vazn toifalarida g`oliblar ma`lum bo`lgan edi.
Ikkinchi kungi bahslar ham anchayin qiziqarli va murosasiz bahslarga boy bo`ldi. Bugun erkaklar 60, 66, 73 kg., ayollar esa +70 kg. va mutlaq vazn toifasida g`olib polvonlar aniqlanadi. Bu haqda Vazirlik saytida yozilmoqda.
Musobaqa yakunlariga ko`ra natijalar quyidagicha:
- 60 kg.
1. Muhammadrizo Quvvatov (Tojikiston);
2. Abdullaziz Xamroev (O`zbekiston);
3. Akobir Qurbonov (O`zbekiston);
3. Kanat Seilkxan (Qozog`iston).
- 66 kg.
1. Qobuljon Axmedov (O`zbekiston);
2. Atabek Amirali (Qozog`iston);
3. Ruslan Bo`riev (O`zbekiston);
3. Muhammad Yusuf Shuayib (Ag`foniston).
-73 kg.
1. Sabir Saparbaev (Qozog`iston);
2. Umidjon Abdullaev (O`zbekiston);
3. O`rol Sodiqov (O`zbekiston);
3. Ilsohzoda Husini (Tojikiston).
+70 kg.
1. Poxizaxon Kamoliddinova (O`zbekiston);
2. Azman Amaeva (Qozog`iston);
3. Filura Ergasheva (O`zbekiston);
3. Gusevo Vladleno (Rossiya).
Shuningdek, musobaqaning mutlaq vazn toifasida ham polvonlar aniqlandi.
1. Muhsin Xisomiddinov (O`zbekiston);
2. Dadaxon Qurbonaliev (Tojikiston);
3. Yaxyo Imomov (O`zbekiston);
3. Ne`matullo Asrankulov (Tojikiston).
Ma`lumot uchun aytib o`tmoqchimiz, 1993 yildan beri har ikki yilda o`tkazib kelinayotgan mazkur turnirda ko`plab nomdor polvonlar ishtirok etishgan. 15-bor tashkil etilgan an`anaviy xalqaro turnirda erkaklar -60, -66, -73, -81, -90 kg hamda mutlaq, ayollar esa -48, -57, -63, -70, +70 kg. vazn toifalarida o`zaro bellashdi.
Al-Hakim At-Termiziy xalqaro turnirining umumiy mukofot jamg`armasi 100 ming AQSh dollarini tashkil etib, har bir vazn toifasida g`oliblarga 3 000, 2-o`rinni qo`lga kiritgan sportchilarga 2 000 hamda ikkita 3-o`rin sohiblariga 1 000 AQSh dollari miqdorida pul mukofotlari topshirildi.
Mutlaq vaznda g`olib bo`lgan polvonimiz Muhsin Xisomiddinov O`zbekiston Respublikasi Prezidenti sovrini – 10 000 AQSh dollariga sazovor bo`ldi. 2-o`rin sohibi tojikistonlik Dadaxon Qurbonaliev 5 000 dollar, ikkita 3-o`rin sohiblari Yaxyo Imomov (O`zbekiston) va Ne`matullo Asrankulov (Tojikiston)lar 3 500 dollardan, jami 22 000 dollar miqdoridagi pul mukofoti bilan taqdirlanishdi.
Shuningdek, mutlaq vazn toifasida chorak finalda mag`lubiyatga uchragan 4 nafar kurashchining har biriga 2 000 dollardan jami 8 000 dollar pul mukofotlari topshirildi.
