Kuni kecha “Nuroniy” jamg`armasi Vasiylik Kengashi qarori bilan bir guruh faollar "Mehnat faxriysi" ko`krak nishoni bilan taqdirlandi. Bu haqda Kinematografiya agentligi Axborot xizmati xabar bermoqda.
Jumladan, o`zbek kino va teatr san`ati rivojiga hissa qo`shib kelayotgan taniqli ijodkorlar O`zbekiston Respublikasi xalq artistlari Baxtiyor Ixtiyorov, Murod Rajabov, Mukambar Rahimova, shuningdek, O`zbekiston Respublikasida xizmat ko`rsatgan artist Matyoqub Matchanovlar ham ushbu mukofot bilan taqdirlanishdi.
