Ashxobodda O`zbekiston va Turkmaniston davlat rahbarlarining uchrashuvi bo`lib o`tdi (foto)

Siyosat 29.04.2021, 19:12
Teglar: Shavkat Mirziyoev, Turkmaniston
Ashxobodda O`zbekiston va Turkmaniston davlat rahbarlarining uchrashuvi bo`lib o`tdi (foto)

Shavkat Mirziyoev amaliy tashrif bilan Turkmanistonga etib borgani haqida xabar bergan edik. 

Prezident Matbuot xizmatining xabar berishicha, Ashxobod shahrida O`zbekiston Prezidenti Shavkat Mirziyoev va Turkmaniston Prezidenti Gurbanguli Berdimuhamedovning uchrashuvi bo`lib o`tdi.

Suhbat avvalida davlatimiz rahbari Turkmaniston etakchisiga otasi Malikguli Berdimuhamedovning vafoti munosabati bilan O`zbekiston xalqi va shaxsan o`z nomidan yana bir bor chuqur hamdardlik bildirdi.

Malikguli Berdimuhamedov turkman xalqining sodiq farzandi va haqiqiy vatanparvar bo`lgani, o`z yurtining ravnaqiga ulkan hiPrssa qo`shgani ta`kidlandi.

Turkmaniston Prezidenti hamdardlik uchun tashakkur izhor etib, birodar o`zbek xalqi va uning etakchisi ushbu musibatli damlarda dalda bo`layotganini yuksak baholashi va qadrlashini alohida qayd etdi.

Muzokaralar chog`ida O`zbekiston va Turkmaniston Prezidentlari ikki tomonlama va mintaqaviy kun tartibining dolzarb masalalarini muhokama qildilar.

O`zbekiston etakchisi Gurbanguli Berdimuhamedovni Turkmaniston Milliy Kengashining Xalq Maslahati raisi etib saylangani bilan tabrikladi, bu mamlakat taraqqiyoti yo`lida amalga oshirilayotgan siyosat Turkmaniston xalqi tomonidan qat`iy qo`llab-quvvatlanayotganining yorqin dalili ekanini ta`kidladi.

Pandemiya bilan bog`liq murakkab davrda O`zbekiston-Turkmaniston munosabatlari ijobiy sur`at bilan rivojlanib borayotgani mamnuniyat bilan qayd etildi.

Birgalikdagi sa`y-harakatlar tufayli keyingi yillarda tovar ayirboshlash hajmi uch barobardan ziyodga ko`paydi va o`tgan yil yakunlariga ko`ra 530 million dollarga etdi, 150 dan ortiq qo`shma korxona tashkil etildi.

Shu bilan bir qatorda savdo, investisiyalar, sanoat kooperasiyasi bo`yicha, eng avvalo transport, energetika, mashinasozlik, engil va oziq-ovqat sanoati, qishloq va suv xo`jaligi sohalarida mavjud salohiyatni yanada to`liq ishga solish zarurligiga e`tibor qaratildi.

Xalqaro transport va tranzit yo`lagini yaratish to`g`risidagi Ashxobod bitimini bundan buyon ham birgalikda ilgari surish, shuningdek, Xitoy – Markaziy Osiyo – Janubiy Kavkaz – Turkiya multimodal marshrutining samarali ishlatilishini ta`minlash va transport-logistika infratuzilmasini rivojlantirish borasidagi hamkorlikni davom ettirishga tomonlar tayyor ekani ta`kidlandi.

Muzokaralarda xalqlarimiz yaqinligining eng muhim omili sifatida madaniy-gumanitar hamkorlikni kengaytirish va mustahkamlash dolzarb ekani yana bir bor qayd etildi.

O`zbekiston Prezidenti Turkmaniston rahbariga uning xalqlarimiz o`rtasidagi birodarlik munosabatlarining navbatdagi yorqin ramzi sifatida Ashxobod shahrida “Toshkent” bog`ini tashkil etish tashabbusi uchun alohida minnatdorlik bildirdi.

Hamkorlikni kengaytirish va yangi o`sish nuqtalarini izlash maqsadida yaqin vaqtda Toshkent shahrida Savdo-iqtisodiy, ilmiy-texnik va madaniy hamkorlik bo`yicha O`zbekiston-Turkmaniston hukumatlararo komissiyasining navbatdagi yig`ilishini o`tkazishga qaror qilindi.

Uchrashuv O`zbekiston va Turkmaniston etakchilari yakunida ikki mamlakat xalqlarining ko`p asrlik do`stlik va yaxshi qo`shnichilik rishtalarini yanada mustahkamlash yo`lida o`zaro ishonch va hurmat tamoyillari asosidagi strategik sheriklik munosabatlarini izchil mustahkamlashda qat`iy ekanliklarini tasdiqladilar.

Sharhlar

⚡️ Turkmaniston O`zbekistonga bepul suyultirilgan gaz beradi

04.02.2023, 11:49

Turkmaniston prezidenti O`zbekistonni do`stona va birodarlik bilan qo`llab-quvvatlash maqsadida suyultirilgan gazni O`zbekistonga bepul o`tkazish bo`yicha farmon imzoladi. Bu haqdagi xabar mamlakat hukumati portalida e`lon qilindi. Ma`lum...
Turkmaniston O`zbekistonga gaz eksportini qayta tikladi

23.01.2023, 12:13

Sal avval anomal sovuq tufayli 12 yanvarda qo`shni mamlakatning tabiiy gaz qazib chiqarish konlarida yuzaga kelgan avariyaviy holat Turkmanistondan  tabiiy gaz importining to`liq to`xtashiga sabab...
Gurbanguli Berdimuhamedov Shavkat Mirziyoevga turkman xalqi alohida qadrlaydigan alabay zotli kuchuk sovg`a qildi

21.10.2022, 13:45

Turkmanistonga rasmiy tashrif doirasida O`zbekiston Prezidenti Shavkat Mirziyoev ushbu mamlakat Parlamentining yuqori palatasi raisi Gurbanguli Berdimuhamedov bilan uchrashdi, deya xabar bermoqda Prexident matbuot xizmati. Davlatimiz rahbari...
O`zbekiston va Turkmaniston prezidentlari Strategik sheriklikni chuqurlashtirish to`g`risidagi deklarasiyani imzoladi

21.10.2022, 11:35

Turkmanistonda oliy darajadagi muzokaralar yakunida hujjatlarni imzolash va almashish marosimi bo`lib o`tdi. Bu haqda Prezident matbuot xizmati xabar bermoqda.Dastlab, O`zbekiston Prezidenti Shavkat Mirziyoev va Turkmaniston...
Ob-havo: Toshkent
Valyuta kursi
1