Shavkat Mirziyoev Tojikiston Bosh vazirini qabul qildi

Siyosat 14.05.2021, 15:52
Teglar: Shavkat Mirziyoev
Shavkat Mirziyoev Tojikiston Bosh vazirini qabul qildi

14 may kuni O`zbekiston Respublikasi Prezidenti Shavkat Mirziyoev qo`shma Hukumatlararo komissiyaning navbatdagi yig`ilishida ishtirok etish uchun mamlakatimizga amaliy tashrif bilan kelgan Tojikiston Respublikasi Bosh vaziri Qohir Rasulzodani qabul qildi.

O`zbekiston va Tojikiston o`rtasidagi ko`p qirrali amaliy hamkorlikni yanada kengaytirish, do`stlik, yaxshi qo`shnichilik va strategik sheriklik munosabatlarini mustahkamlash masalalari ko`rib chiqildi.

Davlatimiz rahbari ikki mamlakat etakchilarining siyosiy irodasi va qat`iy sa`y-harakatlari tufayli o`zaro hamkorlikda erishilgan hozirgi yuksak darajani katta mamnuniyat bilan qayd etdi.

Qohir Rasulzoda O`zbekiston Prezidentiga samimiy qabul uchun minnatdorlik bildirib, Tojikiston Prezidenti Emomali Rahmonning salomi va eng ezgu tilaklarini etkazdi.

Uchrashuvda savdo, mashinasozlik, energetika, qazib olish sanoati, qishloq xo`jaligi, to`qimachilik, transport, turizm va sog`liqni saqlash sohalaridagi istiqbolli loyihalarni amalga oshirishga alohida e`tibor qaratildi. Shuningdek, hududlar va biznes darajasidagi faol muloqotlar hamda madaniy-gumanitar almashinuv dasturlari davom ettiriladi.

Tojikiston Bosh vaziri ikki davlat rahbarlarining bo`lajak sammitiga birgalikda har tomonlama tayyorgarlik ko`rishga, shuningdek, birodar mamlakatlarimiz va xalqlarimiz o`rtasidagi keng ko`lamli sheriklikni mustahkamlashga bor kuch-g`ayratini qaratishini ta`kidladi.

Sharhlar

Gurbanguli Berdimuhamedov Shavkat Mirziyoevga turkman xalqi alohida qadrlaydigan alabay zotli kuchuk sovg`a qildi

21.10.2022, 13:45

Turkmanistonga rasmiy tashrif doirasida O`zbekiston Prezidenti Shavkat Mirziyoev ushbu mamlakat Parlamentining yuqori palatasi raisi Gurbanguli Berdimuhamedov bilan uchrashdi, deya xabar bermoqda Prexident matbuot xizmati. Davlatimiz rahbari...
"Afg`onistondagi vaziyatni hal etish va u erda tinch hayotni tiklash muhim". Shavkat Mirziyoev Ostonadagi sammitda nutq so`zladi

13.10.2022, 11:20

O`zbekiston Prezidenti Shavkat Mirziyoev Ostona shahrida bo`lib o`tayotgan Osiyoda hamkorlik va ishonch choralari bo`yicha kengash VI sammitida nutq so`zladi. O`zbekiston rahbari Afg`onistondagi vaziyatni hal etish va...
Shavkat Mirziyoev Urganchda Jaloliddin Manguberdi haykalini ochib berdi (foto)

29.08.2022, 11:46

Avval xabar qilganimizdek, Bugun Prezident Shavkat Mirziyoev Urganch shahrida buyuk sarkarda va davlat arbobi Jaloliddin Manguberdi haykalining tantanali ochilish marosimida ishtirok etish uchun Xorazm viloyatiga...
Shavkat Mirziyoev tashrifni Madinai Munavvara ziyoratidan boshladi (video)

17.08.2022, 16:42

Saudiya Arabistoni Podshohi Salmon bin Abdulaziz Ol Saudning taklifiga binoan ushbu mamlakatga borgan O`zbekiston Respublikasi Prezidenti Shavkat Mirziyoev tashrifni Madinai munavvara ziyoratidan boshladi. O`zbekiston rahbari Madina...
Ob-havo: Toshkent
Valyuta kursi
1