Shimoli-g`arbiy harbiy okrug qo`shinlarida xizmat qilayotgan bir guruh harbiylarning 31 nafar farzandi foydalanib, imtiyozli yo`llanma asosida Mo`ynoq tumanidagi “Oq kema” sog`lomlashtirish oromgohida dam olish imkoniga ega bo`ldi.
Ta`kidlash joizki, oromgohda dam olish uchun har bir yo`llanmaning 70 foiz narxi Mudofaa vazirligi tomonidan, qolgan 30 foizi harbiy xizmatchilar tomonida to`lanishi belgilangan.
Maktabning so`nggi kunlarini intiqlik bilan kutgan o`g`il-qizlar yozgi ta`tilga chiqadilaru, kimdir qishloqqa bobo-buvisining oldiga yana kimlardir oromgohlar tomon yo`l olishadi. Oromgohda hordiq chiqarish gashti esa bolalar hayotida unutilmas xotiralar bilan muhrlanishi shubhasiz. Yurtimizning har bir viloyatida bolalarning madaniy hordiq chiqarishlari uchun turli oromgohlar xizmat ko`rsatadi. Ana shunday oromgohlardan biri Qoraqalpog`iston Respublikasi, Mo`ynoq tumanida joylashgan zamonaviy ko`rinishdagi “Oq kema” dam olish maskanidir.
Prezidentimiz tashabbusi bilan O`zbekiston Kasaba uyushmalari Federasiyasi tomonidan qurib bitkazilgan oromgoh ayni paytda bolalarning ta`tilni mazmunli o`tishiga munosib hissa qo`shmoqda. “Oq kema” yurtimizning eng olis hududda, Nukusdan 225 km uzoqlikda joylashgan sog`lomlashtirish oromgohi bo`lib, u erda madaniy hordiq chiqarish bilan birgalikda bolalarning intellektual salohiyatini rivojlantirish, ularning turli yo`nalishlarda bilim va malakalarini mustahkamlash uchun tajribali pedagog-xodimlar ko`mak bermoqda.
“Oq kema” oromgohi har bir navbatda 250 nafar bolani qabul qilishga mo`ljallangan. O`n ikki kun davom etadigan bir navbat qiziqarli va mazmundor reja asosida bolalarga quvonch ulashga xizmat qiladi. Markazda bolalar yotoqxonalari barcha jihozlar bilan ta`minlangan. Futbol, basketbol, voleybol maydonchalari, suzish havzasi bolalar xizmatida. Stol tennisi, shaxmat-shashka o`yinlari uchun maxsus joylar ham mavjud bo`lib, kechki salqinda kichik musobaqalar o`tkazilishi an`anaga aylangan. Madaniy tadbirlarni tashkil qilish uchun amfiteatr, adabiyotga boy kutubxona bolalar ixtiyorida bo`ladi. Tibbiyot xonalari, oshxona haam zamonaviy uskunalarga ega bo`lib, oromgohda dam olayotgan bolalarning sifatli tibbiy xizmatdan foydalanishi hamda kaloriyaga boy bo`lgan ovqat tanovul qilishiga xizmat qiladi.
Harbiylarning farzandlari oromgohga borgan kunidanoq, bir olam taassurotlarga ega bo`lishdi. Oromgohning maxsus logotipi tushirilgan liboslari, mazali taomlar va zamonaviy dizayndagi binolaru xonalar bolalarga quvonch bag`ishlab, yozgi ta`tilni sermazmun o`kazishiga munosib tuhfa bo`ldi.
08.09.2021, 12:20
Joriy yilning 18-25 sentyabr kunlari Rossiyada harbiylar o`rtasida boks bo`yicha navbatdagi jahon chempionati o`tkaziladi.O`zbekiston boks federasiyasi matbuot xizmati xabariga ko`ra, bugun boks bo`yicha mamlakat terma...
