Oliy Majlis Senati Raisi T. Narbaeva Markaziy Osiyo etakchi ayollari muloqotining navbatdagi majlisida mazkur forum mamlakatlarimizning yutuqlari, gender tenglikni ta`minlash bo`yicha kelgusidagi rejalari haqida axborot almashish va umumiy manfaatlarimizga javob beradigan hamkorlikning barcha sohalarida xotin-qizlar o`rtasida mintaqaviy hamkorlikni rivojlantirish istiqbollarini muhokama qilish uchun yaxshi imkoniyat ekanini ta`kidladi. Bu haqda Oliy Majlis Senati axborot xizmati xabar berdi.
Shuningdek, bu yil Markaziy Osiyo davlatlari mustaqilligiga 30 yil to`lishi, ushbu davr mobaynida barqaror taraqqiyotni ta`minlash va milliy davlatchilikni mustahkamlash uchun keng ko`lamli siyosiy va ijtimoiy-iqtisodiy islohotlar amalga oshirilgani qayd etildi.
Qonunchilik va institusional asoslarni yaratish hamda mustahkamlash, xalqaro hamkorlikni rivojlantirish orqali gender tenglikni ta`minlash borasida ham juda katta ishlar amalga oshirildi.
Senat raisi muloqotning barcha ishtirokchilari tomonidan yaratilayotgan poydevor davlat boshqaruvi, preventiv diplomatiya, atrof-muhit muhofazasi, tadbirkorlik va biznes, madaniyat, ta`lim, ilm-fan, san`at va umuman, gender tenglikni ta`minlash sohalarida Markaziy Osiyo xotin-qizlari o`rtasidagi mintaqaviy hamkorlikni rivojlantirish va mustahkamlashga xizmat qilishini ta`kidladi.
Shuningdek, O`zbekiston Markaziy Osiyo etakchi ayollari muloqotidagi raisligi doirasida o`zaro hamkorlik mexanizmini mintaqada xotin-qizlar o`rtasidagi har tomonlama hamkorlikni rivojlantirishga qaratilgan yangi, sifatli maslahatlashuvlar platformasiga aylantirish uchun barcha sa`y-harakatlarini ishga solmoqchi ekani bildirdi.
Parlamentning yuqori palatasi rahbari Muloqotning 2021 yilga mo`ljallangan Harakatlar rejasi, shuningdek, Barqaror rivojlanish sohasida tadbirkor xotin-qizlar o`rtasidagi hamkorlik “Yo`l xaritasi”da nazarda tutilgan tadbirlarning asosiy yo`nalishlariga urg`u berdi.
Forum yakunlari bo`yicha Deklarasiya qabul qilindi. Ushbu hujjatda xotin-qizlar hayoti va faoliyatining barcha sohalardagi huquq va imkoniyatlarini kengaytirish nazarda tutilgan.
29.09.2021, 13:42
Tanzila Norbaeva O`zbekiston Respublikasi Oliy Majlisi Senatining o`n to`qqizinchi yalpi majlisida Davlat byudjetining 2021 yil birinchi yarim yillik yakunlari bo`yicha mulohazalarini bildirdi. – Mahalliy byudjetlarda...10.09.2021, 18:53
Vena shahrida Parlamentlararo ittifoq Ayol spikerlarning 13-sammitida ishtirok etayotgan Oliy Majlis Senati Raisi Tanzila Narbaeva boshchiligidagi O`zbekiston parlamenti delegasiyasi Evropada Xavfsizlik va Hamkorlik Tashkiloti Parlament...27.08.2021, 18:26
Tanzila Narboeva Oliy Majlis Senatining o`n sakkizinchi yalpi majlisida kadastr sohasini tanqid qildi. "Bugun kadastr masalasi ham nihoyatda dolzarb. So`nggi yilarda sohadagi tizimli o`zgarishlarga qaramasdan joylarda...15.07.2021, 17:39
2021 yil 15 iyul kuni Oliy Majlis Senati Raisi T. Narbaeva BMTning Markaziy Osiyoda preventiv diplomatiya bo`yicha mintaqaviy markazi (MOPDMM) rahbari N. German bilan uchrashdi.Ma`lum...