Ayni payda O`zbekiston Milliy matbuot markazida O`zbekiston Prezidentining matbuot kotibi Sherzod Asadov ishtirokida brifing bo`lib o`tmoqda.
Prezident matbuot kotibi dalat rahbarining joriy haftada ishtirok etishi rejalashtirilayotgan tadbirlari haqida ma`lum qildi.
Unga ko`ra:
Bu haftada ham bir qator tadbirlar kun tartibiga kiritilgan. Bugun neft va gaz sohalari bo`yicha yig`ilish o`tkazilishi mo`ljallangan.
Shuningdek, hafta mobaynida Toshkent viloyatida ishlab chiqarish sohalarini rivojlantirish, Surxondaryo viloyatida ichimlik suvi ta`minotini yaxshilash hamda yo`l bo`ylarida amalga oshiriladigan loyihalar bo`yicha taqdimotlar rejalashtirilgan.
O`zbekiston Respublikasi Prezidentining mamlakatimiz tadbirkorlari bilan ochiq muloqotiga ham qizg`in tayyorgarlik ko`rilmoqda.
