Braziliyalik futbolchi Pele uning qiyofadoshidan televizorni reklama qilishda foydalanganlik uchun Janubiy Koreyaning Samsung kompaniyasini sudga berdi. U kompaniyadan 30 million dollar tovon puli undirish niyatida, deb xabar berdi “Lenta.ru” nashri.
Pele mart oyining boshida Amerikaning Illinoys shtatidagi Chikago shahar federal sudiga da`vo arizasi bilan murojaat qildi. 75 yoshli Pele o`z arizasida Samsung kompaniyasi 2015 yilning oktyabr oyida The New York Times gazetasida chop etilgan reklamada qiyofadoshi suratidan foydalanganlikni asos qilib ko`rsatgan.
Kompaniya Pele timsoli aks etgan mahsulotlarni ishlab chiqarishni to`xtatish yuzasidan 2013 yilda muzokaralar olib borgan edi, deb xabar berdi Reuters.
Reklamada Pelening ismi to`g`ridan-to`g`ri tilga olinmagan bo`lsa-da, tashqi qiyofasi judayam unga o`xshaydigan futbolchi tasvirlangan, deb izoh berdi advokat Fred Sperling. Bundan tashqari erkak Pelening “qaychi” deb nomlanuvchi o`ziga xos hujumidan ham foydalangan.
Pele (haqiqiy ism-sharifi Edson Arantis du Nasimentu) FIFA tomonidan rasman “XX asrning eng zo`r futbolchisi” deb tan olingan. Xalqaro Olimpiya qo`mitasi ham uni XX asrning eng zo`r futbolchisi deb tan olgan. Braziliyalik futbolchi jahon chempioni (1958, 1962, 1970) degan unvonga ega bo`lgan rekordchi sportchilar orasida peshqadamlik qiladi.