O`zbekiston tashqi ishlar vaziri Abdulaziz Komilov bugun Turkiya tashqi ishlar vaziri Mevlut Chavusho`g`lu bilan telefon orqali muloqot qildi. Bu haqda Tashqi ishlar vazirligining Matbuot xizmati xabar bermoqda.
Unga ko`ra, suhbat chog`ida O`zbekiston-Turkiya hamkorligining turli masalalari muhokama qilindi. Mintaqaviy siyosatning ayrim jihatlari, jumladan, Afg`onistondagi vaziyat yuzasidan fikr almashilgan.
O`zbekiston tashqi ishlar vaziri turkiyalik hamkasbiga Turkiyada yaqinda yuz bergan tabiiy ofatlar va ko`plab insonlarning halok bo`lgani munosabati bilan hamdardlik bildirdi.
