2021 yil 27 avgust kuni Urganch tumani, Chotko`pir qishlog`i, “Orzu” mahallasida uch nafar fuqaro kanalizasiya quvuri ichiga tushib ketib, vafot etishgan.
Xorazm viloyat prokuraturasining ma`lum qilishicha, fuqarolar X.Shukurulloev, O.Kurbanov va Sh.Kurbanovlar ko`p qavatli uylardan chiqqan kanalizasiya suvlarini haydab chiqarish uchun mo`ljallangan kanalizasiya kamerasiga bir-birini qutqarmoqchi bo`lib, navbati bilan pastga tushishgan. To`rtinchi bo`lib tushgan yigit hushsiz holatda qutqarib qolingan.
Mazkur holat yuzasidan, Urganch tumani IIB huzuridagi tergov bo`limi tomonidan 27.08.2021 yilda O`zbekiston Respublikasi JKning
257-moddasi 2-qismi “a” bandi bilan jinoyat ishi qo`zg`atilgan.
Ushbu jinoyat ishi viloyat IIB huzuridagi tergov boshqarmasi tergovchilari ish yurituviga o`tkazilib, viloyat prokuraturasi tomonidan nazoratga olingan.
Hozirda dastlabki tergov harakatlari olib borilmoqda.
