Joriy yil 29-30 sentyabr kunlari «O`zbekiston: Iqtisodiy islohotlar sarhisobi va istiqboli» mavzusida iqtisodiy forum bo`lib o`tadi. Bu haqda «Dunyo» AA xabar bermoqda.
Anjumanda so`nggi besh yilda amalga oshirilgan iktisodiy islohotlar jarayonida to`plangan tajriba tahlil qilinadi. Bundan tashqari, iqtiqboldagi iqtisodiy islohotlarni amalga oshirish mexanizmlari muhokama etiladi.
Forum doirasida iqtisodiyotning dolzarb yo`nalishlaridagi mavzularga bag`ishlangan, xalqaro ekspertlar va yuqori tajribaga ega mutaxassislar ishtirokidagi ochiq muhokama va munozalar bo`lib o`tishi kutilmoqda. Xorijiy jurnalistlar ishtirokida muhokamalar va The Financial Times bilan maxsus virtual sho``ba sessiyalari o`tkazilishi rejalashtirilgan.
O`zbekiston iqtisodiy forumi doirasida so`nggi besh yildagi iqtisodiy islohotlar jarayonida to`plangan tajribani zamonaviy usullar yordamida tahlil qilish hamda quyidagi sohalardagi islohotlar bo`yicha fikr almashiniladi:
-Makroiqtisodiy islohotlar;
-Davlat ishtirokidagi korxonalar transformasiyasi;
-Davlat ishtirokidagi banklar transformasiyasi;
-Kapital bozorlarini rivojlantirish;
-Davlat-xususiy sheriklik loyihalari va xususiylashtirish yo`nalishlari.
Anjuman gibrid va onlayn shakllarda o`tkaziladi.
Yuqori xalqaro darajadagi forumda ishtirok etish bo`yicha batafsil ma`lumotlar bilan economic-forum.uz saytida tanishish mumkin.
