Bugun Erkin Vohidov haqidagi hujjatli filmning premerasi bo`lib o`tadi. Bu haqda Kinematografiya agentligi xabar berdi.
Ma`lum bo`lishicha, 18:00da Adiblar xiyobonida Kinematografiya agentligi buyurtmasiga binoan “Hujjatli va xronikal filmlar kinostudiyasi” DUK hamda O`zbekiston milliy universiteti bilan hamkorlikda suratga olingan "Tirik sayyora" hujjatli filmi premera qilinadi.
Kinokartina O`zbekiston Qahramoni, O`zbekiston xalq shoiri Erkin Vohidov hayoti va ijodiga bag`ishlangan.
"Ssenariy muallifi Xurshid Do`stmuhammad, rejissyor Abduhalil Mignarov, operator Aziz Arziqulov" deyiladi xabarda.