Biroz avval xabar berganimizdek, Nukus shahrida bo`lib o`tayotgan II Xalqaro Baxshichilik san`ati festivali g`oliblarini tantanali taqdirlash marosimi bo`lib o`tdi. G`oliblarning kimligi va ularga beriladigan yutuqlar miqdori esa hammamiz uchun har doimgidek qiziq.
Vazirlar Mahkamasi tomonidan 2018 yil 22 noyabr kuni qabul qilingan “Xalqaro baxshichilik san`ati festivalini o`tkazish chora-tadbirlari to`g`risida”gi 946-sonli qaroriga muvofiq, ko`rik-tanlov g`oliblari Tashkiliy qo`mita tomonidan diplom, statuetka va quyidagi miqdorlarda pul mukofotlari bilan taqdirlanadi:
- “Gran-pri” — 7 000 AQSh dollari;
- I — o`rin (har bir yo`nalish bo`yicha) 2 x 5 000 — 10 000 AQSh dollari;
- II — o`rin (har bir yo`nalish bo`yicha ) 2 x 3 500 — 7 000 AQSh dollari;
- III — o`rin (har bir yo`nalish bo`yicha) 2 x 2 500 — 5 000 AQSh dollari.
Mustaqil ravishda hay`at a`zolari va muxlislar e`tirofiga sazovor bo`lgan ishtirokchilar “Eng yosh baxshichilik san`ati ishtirokchisi”, “Muxlislar e`tirofiga sazovor bo`lgan eng yaxshi ishtirokchi”, “Eng yaxshi cholg`u ijrochisi” kabi nominasiyalar va boshqa nominasiyalar bo`yicha maxsus diplom va 500 AQSh dollari miqdorida pul mukofoti bilan taqdirlanadilar.
Xalqaro Hay`at raisiga — 2000 AQSh dollari, hay`at a`zolariga — 1000 AQSh dollari miqdorida gonorar puli to`lanadi.
Shuningdek, Xalqaro hay`at qaroriga muvofiq faqatgina “Gran-pri” mukofoti bo`linmaydi. I, II va III — o`rinlarning pul mukofotlari bo`linishi mumkin. Ko`rik-tanlovda qatnashgan va sovrindor bo`lmagan ishtirokchiga “Xalqaro baxshichilik san`ati festivali” Diplomanti diplomi beriladi.Ko`rik-tanlovda sovrindor (laureat) bo`lgan ishtirokchilar keyingi yillarda o`tkaziladigan ushbu ko`rik-tanlovda boshqa ishtirok etolmaydi, faxriy mehmon sifatida festivalga taklif etilishi mumkin. Ko`rik-tanlovda qatnashib, o`rin egallamagan ishtirokchi ko`rik-tanlovda qayta qatnashish huquqiga ega.
Diqqat! G`oliblar!
Bugun bo`lib o`tgan festival yakuni bilan quyidagi ishtirokchilar g`olib deb topildi:
II Xalqaro Baxshichilik san`ati festivalining “Gran-pri” sohibi - Janibek Piyazov (O`zbekiston)
1-o`rin sohibi – Yuliana Krivoshapkina (Rossiya, Yakutiya)
1-o`rin sohibi – Feruz Normatov (O`zbekiston)
2-o`rin sohibi – Aleksey Xovalyag (Rossiya, Tuva)
2-o`rin sohibi – Gulbahor Aximbetova (O`zbekiston)
2-o`rin sohibi – Elmira Jangabergen (Qozog`iston)
2-o`rin sohibi – Mubariz Aliev (Ozarbayjon)
3-o`rin sohibi – Xosseyin Geylan (Eron)
3-o`rin sohibi – Baxshiqul Tog`aev (O`zbekiston)
3-o`rin sohibi – Samad Kochobaev (Qirg`iziston)
3-o`rin sohibi – “Kaukasus” guruhi (Gruziya)
Shuningdek, quyidagi nominasiyalar bo`yicha ham g`oliblar aniqlandi:
“Festivalda milliy san`atini targ`iboti uchun” - Timko Chichakovski (Makedoniya);
“Baxshichilik san`ati festivalining yoshi ulug` ishtirokchisi” - Drajik Bugarin (Serbiya);
“Xalqlarning qadimiy meros targ`ibotchisi” - Nusrat Ansariy (Hindiston);
“Ajdodlarning unitilayotgan urf-odatlarini tarannum etgani uchun” - Tolgaxan Tiktash (Turkiya);
“Baxshichilik san`ati orqali do`stik rishtalarini tarannum etgani uchun” - Talgat Urinbekov (O`zbekiston);
“Hay`at a`zolarining mehrini qozongan ishtirokchi”- Mukimjon Kamolov (Tojikiston);
“An`analarga sodiq baxshi” - Qahhor Raximov (O`zbekiston);
“Muxlislar e`tirofiga sazovor bo`lgan eng yaxshi ishtirokchi”- Kelema (Madagaskar);
“Qadriyatlar davomchisi”-Ravshan Mamatmuratov (O`zbekiston);
“Baxshichilik san`ati jonkuyari”-Bahrom Raximov (O`zbekiston);
“Baxshichilik san`ati festivalining eng yaxshi targ`ibotchisi”- “O’zbekiston-24” telekanali muharriri Zebo To`xtaeva, operator Ahmad Bayzullaev;
“Baxshichilik san`ati festivalining eng yaxshi targ`ibotchisi”- “O’zbekiston-24” telekanali muharriri Karina Nizamudinova, operator Abbos Abdusattorov.
Eslatib o`tamiz, festival sayllari 23 sentyabrga qadar davom etadi.
Sardorbek Rahmonqulov
