Osiyo taraqqiyot banki (OTB) bugun O`zbekistonda raqobatbardosh moliyaviy bozorlar uchun qulay muhit yaratish uchun zarur bo`lgan siyosat, tartibga solish va institusional islohotlarni qo`llab-quvvatlash uchun 100 million dollarlik siyosiy kreditni ma`qulladi.
Bu haqda uning ijtimoiy tarmoqlardagi sahifasida ma`lum qilindi.
"O`zbekiston bozor iqtisodiyotiga o`tishni tezlashtirar ekan, xususiy investisiyalarni jalb qilish uchun barqaror va raqobatbardosh ichki moliyaviy bozorlar muhim ahamiyatga ega", - dedi OTBning Markaziy va G`arbiy Osiyo bo`yicha bosh direktori Evgeniy Jukov.
"OTB O`zbekistondagi moliyaviy bozorlarning rivojlanishiga ko`maklashadi va iqtisodiy o`sishning asosiy omili va mamlakatda yangi ish o`rinlarining muhim manbasi bo`lgan xususiy investisiyalarni rag`batlantiradi",-ta`kidladi Evgeniy.
"Moliya bozorlarini boshqarishni kuchaytirish orqali dastur bozor samaradorligini oshiradi va investorlarning himoyasini yaxshilaydi",-dedi OTBning moliyaviy sektor bosh mutaxassisi Ali-Mumtoz X. Shoh.
"Dastur investorlarga muqobil investisiya imkoniyatlaridan foydalanishni ta`minlashda muhim rol o`ynaydi va minimal xarajatlar bilan mablag `yig`ishga yordam beradi ”, - deya qo`shimcha qildi OTBning davlat boshqaruvi bo`yicha bosh iqtisodchisi Çiğdem Akın.
Qayd etilishicha, Bank dastur doirasida amalga oshiriladigan asosiy islohotlarni qo`llab -quvvatlash uchun 500 ming AQSh dollari miqdorida texnik yordam ham ajratadi.
Eslatib o`tamiz, O`zbekiston Osiyo Taraqqiyot Bankiga 1995 yilda qo`shilgan.
Dilbar ABDUNABIEVA tarjima qildi
