Kecha, 16 noyabr kuni Tashqi ishlar vaziri Abdulaziz Kamilov Bryusselga tashrifi doirasida Portugaliya Respublikasi Tashqi ishlar vaziri Augusto Santush Silva bilan uchrashdi.
Bu haqda Tashqi ishlar vazirligi ma`lum qildi.
Qayd etilishicha, muzokaralar chog`ida turli darajadagi tashriflarni tashkillashtirish, vazirliklararo maslahatlashuvlarni o`tkazish, xalqaro tashkilotlar doirasida tomonlarning bir-birini qo`llab-quvvatlashi orqali siyosiy muloqotni faollashtirish muhokama qilingan.
To`qimachilik, farmasevtika, agrar va sayyohlik sohalarida hamkorlik uchun salmoqli salohiyat mavjudligi qayd etilgan.
"Muzokaralar yakunida O`zbekiston Respublikasi Tashqi ishlar vazirligi va Portugaliya Respublikasi Tashqi ishlar vazirligi o`rtasida siyosiy maslahatlashuvlar to`g`risida anglashuv memorandumi imzolandi",-deyiladi xabarda.
