Andijon viloyati Andijon tumanida 120 o`rinlik, Oqrovvot MFY hududida 150 o`rinlik hamda Ayrilish MFY hududida ham 150 o`rinlik maktabgacha ta`lim tashkilotlari ochildi.
Bu haqda Maktabgacha ta`lim vazirligi xabar berdi.
"Mazkur Davlat maktabgacha ta`lim tashkilotlarining barchasi zamon talablariga mos ravishda tayyorlangan bo`lib, bolajonlarni yanada sifatli ta`lim-tarbiya olishi uchun imkoniyat yaratildi",-deydi vazirlik.
Qayd etilishicha, marosimda ishtirok etgan barcha mehmonlar ta`lim tashkilotiga o`z qo`llari bilan mevali ko`chatlarni ekib berishgan.
