Ijtimoiy tarmoqlar foydalanuvchilari tomonidan avtomobilni xavfli boshqarish haydovchining videosi tarqaldi.
Unda haydovchining yo`l harakati qoidalarini mensimasdan avtomobil boshqarib, atrofdagilar uchun xavf tug`dirgani aks etgan.
Toshkent shahar IIBB Yo`l harakati xavfsizligi boshqarmasi xodimlari ushbu foydalanuvchiga e`tibor qaratib, uning shaxsini aniqlashdi. Kadrdagi transport vositasi “Lacetti” (davlat raqami 01 074 TBA) rusumli avtomobil ekanligi, suratga olish davomida uni boshqargan haydovchi esa 19 yoshli Sh.A. ekanligi ma`lum bo`ldi.
Ayni vaqtda yigit ota-onasidan biri bilan birga xorijda. O`zbekistonga qaytishi zahoti u bilan profilaktik suhbat o`tkazish rejalashtirilgan. Shuningdek Sh.A.ga nisbatan O`zbekiston Respublikasi Ma`muriy javobgarlik to`g`risidagi kodeksining 128 prim.5-moddasi bo`yicha bayonnoma rasmiylashtirilgan.
