Giyohvand moddalarning noqonuniy aylanmasiga qarshi kurashish doirasida Davlat xavfsizlik xizmatining Surxondaryo viloyati bo`yicha boshqarmasi xodimlari tomonidan Termiz shahrida o`tkazilgan tezkor-qidiruv tadbirlari natijasida katta miqdordagi narkotiklar musodara qilindi.
Xususan, 1982 y.t. mahalliy fuqaro 28 kg 895 gr. “opiy” hamda 2 kg “gashish” moddalarini, shuningdek, boshqa bir holatda esa muqaddam giyohvand moddalar bilan bog`liq jinoyat sodir etganliklari uchun sudlangan, 1962 va 1970 yillarda tug`ilgan aka-uka 9 kg 161 gr. “opiy” va 446 gr. “geroin” moddalarini kelgusida sotish maqsadida qabul qilib olgan vaqtlarida ashyoviy dalillar bilan ushlandi.
Ta`kidlash lozimki, har ikki holatda ham giyohvand moddalar afg`onistonlik narkokur`erlar tomonidan mamlakatimiz hududiga olib o`tilgan.
Sariosiyoda kuzatilgan holatda tojikistonlik narkokur`erlar tomonidan tumanning tog`li hududiga o`tkazilib, xufiya joyga berkitib ketilgan 28 kg 506 gr. “opiy” moddasini qabul qilib olgan, 1990 y.t. mahalliy fuqaro ushlandi.
DXX xodimlarining Surxondaryo viloyati bojxona boshqarmasi bilan hamkorlikda Termiz shahrida o`tkazgan tezkor tadbirida esa 1969, 1970 va 1990 yillarda tug`ilgan 3 nafar fuqaro 481 gr. «opiy» moddasini 9400 AQSh dollariga sotgan vaqtlarida qo`lga olindi.
DXX, IIV hamda Davlat bojxona qo`mitasining hududiy boshqarmalari xodimlari hamkorligida o`tkazilgan tezkor tadbirda, Termiz tumani «Manguzar» YPX maskanidan o`tib, viloyat markazi tomon harakatlanayotgan “Spark” rusumli avtomashina to`xtatildi.
Avtomashina ko`zdan kechirilganda, unda yo`lovchi sifatida ketayotgan, Dushanbe shahrida istiqomat qiluvchi, 1987 y.t. Tojikiston Respublikasi fuqarosi va Denov tumanida yashovchi, 1985 y.t. mahalliy fuqarogategishli yuk sumkalarida Afg`onistondan kontrabanda yo`li bilan olib kelingan 45 kg 913 gr. “gashish” borligi aniqlanib, prosessual tartibda rasmiylashtirib olindi.
O`tkazilgan tezkor tadbirlar natijasida jami 67 kg 43 gr. “opiy”, 47 kg 913 gr. “gashish” hamda 446 gr. “geroin” giyohvand moddalari musodara qilindi.
Hozirda mazkur holatlar yuzasidan Jinoyat Kodeksining tegishli moddalari bilan jinoyat ishlari qo`zg`atilib, tergov harakatlari olib borilmoqda.
26.11.2021, 22:04
Surxondaryo viloyatining Termiz tumanida 2021 yil 1 noyabr kuni, tumanning "Navro`z" mahallasida yashovchi, R.Zilola (ism shariflar o`zgartirilgan) tuman IIBga ariza bilan murojaat qilgan. Ma`lum bo`lishicha, 17 oktyabr...
23.08.2021, 09:33
Ijtimoiy tarmoqlarda "o`g`limdan qasti borligi uchun nachalnik milisiya o`g`limni qamoqqa oldi, adolatdanmi shu ishingiz" sarlavhasi ostidagi videomurojaat tarqaldi.Surxondaryo viloyati IIB mazkur voqeaga munosabat bildirdi. Denov...
13.08.2021, 14:40
Surxondaryo viloyati Ichki ishlar boshqarmasi Terrorizm va ekstremizmga qarshi kurashish boshqarmasi xalqaro ekstremistik guruhlar faoliyatiga qo`shilib, insonlar xavfsizligiga raxna solayotgan shaxslarga nisbatan qidiruv e`lon qildi....
11.08.2021, 18:24
Ijtimoiy tarmoqlarda “Zo`ravon maktab direktori farzandlariga qo`shnisini do`pposlatdi” sarlavhasi ostidagi videomurojaat tarqaldi. Jarqo`rg`on tumani Ichki ishlar bo`limi mas`ul xodimlari tomonidan o`rganish ishlari olib borilganida quyidagilar...
