Oila mazusiga jiddiy yondoshuv zarur

2021 yil 25 noyabr kuni O`zEOAVMA Bosh direksiyasi va Ekspertlar kengashining qo`shma yig`ilishi bo`lib o`tdi.

Yig`ilishda O`zEOAVMAga a`zo tele va radio kanallar rahbarlari, bosh muharrirlari, ijodiy xodimlari, O`zEOAVMA Ekspertlar kengashi a`zolari, Toshkent shahri “Nuroniy” jamg`armasi, Mahalla va oilani qo`llab-quvvatlash vazirligi mas`ul xodimlari ishtirok etishdi.

Kun tartibidan O`zEOAVMAga a`zo tele va radio kanallarning media mahsulotlar tayyorlashda ma`naviy-ma`rifiy tarbiyani yanada kuchaytirish, oila qadriyatlarini, xalq an`analarini ko`rsatuvlar mazmuniga chuqur singdirish, ayniqsa, mahallarada olib borilayotgan keng ko`lamli islohotlarning mazmun mohiyatini ochib berish  singari masalalar o`rin oldi.

Yig`ilishda Prezidentimiz tashabbusi bilan ma`naviy-ma`rifiy sohada amalga oshirilayotgan islohotlar, mahallalarga berilayotgan yuksak e`tiborni bir qator informasion va ijtimoiy loyihalarda yoritib kelayotganligini ta`kidlandi.

Shu bilan birga bu borada tele va radio kanallarda yo`l qo`yilayotgan kamchiliklar, mavjud muammolar aytilib, bu borada badiiy kengashlar faoliyatini tubdan kuchaytirish, mas`ul xodimlarning malaka va mas`uliyatini oshirish borasida o`z takliflarini bildirishdi.

Yig`ilishda so`zga chiqqan Oliy Majlis Senati a`zosi, Toshkent shahar “Nuroniy” jamg`armasi kengashi raisi R.Kalonov, bugungi kunda aholining katta qismi telekanallardan axborot olayotganligini, ayniqsa nodavlat telekanallarni tomosha qilayotganligini e`tirof etdi. Shu bilan birga oilaviy munosabatlar va maishiy mavzulardagi ayrim ko`rsatuvlarda xalqimiz qadriyatlariga va urf-odatlariga u qadar mos bo`lmagan holatlar aks etayotganligini ta`kidlab, bu borada oilalar mustahkamligi, ajralishlarni oldini, farzand tarbiyasida ota-onalarning mas`uliyatini kuchaytirish singari mavzularga e`tibor qaratish lozimligini ta`kidladi. 

“Sevimli TV” Bosh muharriri Q.Saydaliev oilaviy munosabatlar haqida tayyorlanayotgan ko`rsatuvlar jamoatchilik va mutasaddi vazirlik va idoralar mas`ullarini ko`proq jalb etishi, xususan, Mahalla va oilani qo`llab-quvvatlash vazirligi bilan hamkorlikni yo`lga qo`yish zarurligi xususida o`z fikrlarini bildirdi. “ZO`R TV” Bosh muharriri F.Yusupova keyingi paytda “Yor-yor” ko`rsatuvining ijtimoiy mazmunini ko`chaytirish bo`yicha bir qator choralar ko`rilayotganligini, mamlakatimiz jamoatchiligi va tomoshabinlar bildirayotgan taklif va tavsiyalar albatta inobatga olinishini aytib o`tdi. 

Mahalla va oilani qo`llab-quvvatlash vazirligi mas`ul xodimi T.Kadirova o`z so`zida vazirlik oila va mahalla mavzusidagi ko`rsatuvlarda vazirlik ekspertlari va mutaxassislari hamda mavjud ma`lumotlari bilan ishtirok etishga tayyor ekanligini bildirib, O`zEOAVMAga a`zo barcha teleradiokanallar bilan hamkorlikda yangi loyihalar yaratishga kelishib olinganligini ta`kidladi.