Kecha O`zbekistonda yana 210 nafarga yaqin kishida koronavirus infeksiyasi aniqlanib, kasallikdan 3 nafar bemor vafot etdi.
SSVning ma`lumot berishicha, 2021 yil 1 dekabr holatiga ko`ra, O`zbekistonda koronavirus infeksiyasi qayd etilganlar soni 193633 (+209) nafarni tashkil etmoqda.
Yangi kasallanish holatlarining:
- 3 nafari Qoraqalpog`iston Respublikasida,
- 12 nafari Andijon viloyatida,
- 10 nafari Buxoro viloyatida,
- 6 nafari Jizzax viloyatida,
- 5 nafari Qashqadaryo viloyatida,
- 3 nafari Navoiy viloyatida,
- 8 nafari Namangan viloyatida,
- 20 nafari Samarqand viloyatida,
- 4 nafari Sirdaryo viloyatida,
- 1 nafari Surxondaryo viloyatida,
- 12 nafari Farg`ona viloyatida,
- 11 nafari Xorazm viloyatida,
- 47 nafari Toshkent viloyatida,
- 67 nafari Toshkent shahrida koronavirusga chalingan bemorlar bilan muloqotda bo`lganligi sababli namuna olingan fuqarolar orasida aniqlangan.
Shuningdek, 3 nafar koronavirusga chalingan bemor vafot etib, kasallikdan vafot etganlar soni 1409 nafarni tashkil qilgan.
Vazirlik, shu o`rinda, barcha fuqarolarni ogoh bo`lishga chaqirmoqda.
"Shu kunlarda butun dunyoda koronavirus infeksiyasi qayta bosh ko`tardi. Ayniqsa, bugun dunyo bo`ylab kasallikning "omikron" shtammi yashin tezligida tarqalmoqda. Mutaxassislar ushbu shtamm bilan bog`liq umumiy global xavfni juda yuqori deya baholamoqda. Bu esa har birimizdan karantin qoidalariga qat`iy rioya etish, kasallik tarqalayotgan mamlakatlarga zarurat bo`lmasa, vaqtincha bormaslik, eng asosiysi, COVID-19ga qarshi to`liq emlanishni taqozo etadi. Unutmang, vaksina – yagona chora!"-deyiladi xabarda.
