Bu haqda AOKAda o`tkazilgan brifingda «O`zyo`linspeksiya» axborot xizmati rahbari Komiljon Shamsiddinov ma`lum qildi.
Joriy yil “O`zyo`linspeksiya” tomonidan nazorat qilish rejasiga 360 ta «Obod qishloq» va «Obod mahalla» ob`ektlari kiritilgan bo`lib, yanvar-noyabr oylarida 344 ta ob`ektda o`rganish o`tkazildi.
Mazkur ob`ektlarda nazorat ishlari o`tkazilishi natijasida 1102 ta qoida buzilish holati aniqlanib, ularni bartaraf etish bo`yicha buyurtmachi, pudratchi, loyihachi, yo`llarni saqlovchi va boshqa tashkilotlarning mas`ul xodimlariga 550 ta bajarilishi majburiy bo`lgan ko`rsatmalar berildi.
Ko`rsatmalardagi 1085 ta qoida buzilishi belgilangan muddatlarda bartaraf etildi. Qolganlarining ijrosi hududiy davlat inspektorlari nazoratiga olingan.
